حرص المطرب عمر كمال الرد على انتقادات الجمهور له بسبب استعراضه الدائم لسياراته وثروته، وذلك من خلال منشور عبر حسابه الشخصي على موقع تبادل الصور والفيديوهات إنستجرام.
عمر كمال يرد على انتقادات الجمهور له
ونشر عمر كمال في المنشور الذي يرصده موقع تحيا مصر مقطع فيديو قال فيه: اشمعنا أنا لما كنت شغال في بنزينة بجمع الجنيه والتبس بتاعي لأني مكنتش بقبض كنت بشتغل بالتبس، وتخشلي عربية مرسيدس كنت مش بقول ليه اتلاقي أمه اللي جيباهالوا، مكنتش بقول ليه ياريتني اتعلمت زيه عشان اركب عربية زي دي، كنت بقول الحمد لله ربنا يباركله ويديله ويغني كل الناس، اشمعنا أنا لما بقف أمن 12 ساعة في الشركة الألمانية في السخنة بـ 1200 ج وكنت بخدم المهندس اشمعنا مكنتش بقول هو بيعاملني ليه كدا.
وتابع: اشمعنا أنا لما كنت شغال في محل جزم كانوا مسميني عمر ارتكلتات، كنت بجيب للست الكراتين وأقعد تحت رجيلها وأقيسها في رجليها اشمعنا مقولتش ليه كدا، اشمعنا لما جه دوري الكل حقد عليا، الدنيا مبتحبش الكسلان واللي بيندب حظه ليل نهار، أنا نزلت القاهرة بـ 10 جنيه وروحت اشتغلت في مطعم.
عمر كمال يثير الجدل
وكان قد أثار عمر كمال حالة كبيرة من الجدل بعد أن شارك الجمهور والمتابعين مقطع فيديو له رفقة مؤدي المهرجانات حمو بيكا وحسن شاكوش من كواليس تصوير أحد أعمالهم الغنائية، حيث ظهر هؤلاء مع سيارات فارهة تحمل نمرها أسمائهم، مما أثار ذلك حفيظة الجمهور.
عمر كمال يكشف عن معاناته
وسبق وأن كشف مطرب المهرجانات عمر كمال عن معاناته بسبب الحزن الذي كان سيؤدي إلى وفاته، مشيرًا إلى أنه يتناول المهدئات.
وقال عمر كمال في فيديو له يرصده تحيا مصر، عبر حسابه الرسمي عبر تطبيق تيك توك: اللي قلبه حلو الناس في الأرض تحفر له وربك من فوق ينجيه، أنا مش بقع لأني ساند على ربنا، وعدت عليا أيام قلت فيها مش هصحى من كتر الحزن، كنت بنام بالمهدئات وأقعد في العربية ساعة أفكر الناس دي عملت فيا كده ليه، كنت بقوله ليه اللي منك كان عايز يخلص منك.
