أنا والعوضي كنا متفقين على الخلفة وهذا سبب طلاقنا

نفت النجمة ياسمين عبد العزيز طلاقها من الفنان أحمد العوضي بسبب خيانته لها، مفجرة مفاجئة عن الازمة الصحية التي تعرضت لها.

سبب طلاق ياسمين عبد العزيز وأحمد العوضي 

وقالت ياسمين عبد العزيز في تصريحات يرصدها تحيا مصر: في سبب للطلاق بيني وبين العوضي مينفعش نقوله ومش خيانة عشان في ناس بتحب تأذي.

مفاجئة في أزمة ياسمين عبد العزيز الصحية

وتابعت ياسمين عبد العزيز، الأزمة الصحية اللي حصلتلي كانت بسبب اني داخلة عملية اشيل الاكياس اللي عندي عشان احمل لأني انا واحمد العوضي كنا متفقين على الخلفة.

إسعاد يونس توجه رسالة لأحمد العوضي وياسمين عبد العزيز 

ووجهت إسعاد يونس رسالة ل ياسمين عبد العزيز وأحمد العوضي قائلة: شايفة انها علاقة نموذجية مش كل يوم بنلاقي رفيق درب بالتلاحم ده.. ازاي بنفسد ده على نفسنا لأي سبب من الأسباب

من جانبه، قالت ياسمين عبد العزيز: كنت مركزة في راسى إنى عاوزة أبقى حاجة ويكون معايا فلوس وناجحة، ولما دخلت في شغل الإعلانات وأنا عندى 12 سنة، امى كانت بتيجى معايا التصوير، وأنا اللى كنت بأتفق على كل حاجة وعلى الفلوس، وأنا اللى بقول هعمل إعلان إيه بالظبط”.

وتابعت، بدأت الإعلانات وكان عندى 12 سنة، وكنت بحب أتفرج على الإعلانات وأتفرج على البنات وكنت أقعد أقلدهم وأعمل زيهم، ودايما في حاجة لما يكون نفسك في حاجة بتخيل نفسى في الحاجة اللى عوزاها”.

وأضافت، “سبحان الله كان في صديقة لوالدتى اسمها دينا بتشتغل في شركة إعلانات، وكانت هي سبب بعد ربنا في بدايتى في الإعلانات، لأنها لما شافتنى عرضت عليا إنى أعمل إعلانات فقلت لها آه طبعا، امى كانت موافقة لكن والدى واخويا الكبير مكانوش موافقين.

وقدمت إسعاد يونس، ياسمين عبد العزيز قائلة: بدأت وهي طفلة صغيرة والجمهور ابتدوا يتوقعوا منها توقعات لأدوارها ويستنوها لما تكبر ويتابعوها وكأنها بتتربى في حضنهم بكل مراحلها، شوفناها بتطور ازاي وبتشتغل ازاي وبتاخد خط مختلف عن اي خط تاخده بنوتة حلوه هي مش بس بنوته حلوه هي تركيبة شكلًا حلوة ومخًا حلوة وتعبيرات حلوة، عندها قبول اكنها بتقيس درجة حرارة القبول وبتظبط معاه لحد ما بقت نجمة سينمائية مختلفة واصبحت اسم الناس بتخشله رغم انها ست  ودي حاجة كنا بنعاني منها.. اتربت وسطنا وجت عملت خط تاني لوحدها وبدأت تعمل افلام ليها جماهيرية واضحة وليها نوع من الانحياز في مختلف الفئات لان ظهورها ارتبط بالذكاء، خليني اختصر كل دا واقول ان التحفة الفنية والغالية هي ضيفتنا ياسمين عبد العزيز.