قاطعت صاحبتي عشان قالتلي برتاح لجوزك.. ولو هرجع للماضي مش هغير حاجة

تحدثت المذيعة لجين عمران عن صديقتها التي قاطعتها بسبب زوجها، وذلك من خلال لقاء لها ببرنامج حبر سري المذاع عبر شاشة تلفزيون قناة القاهرة والناس، والذي تقدمه المذيعة أسما إبراهيم.

لجين عمران: قاطعت صاحبتي عشان قالتلي برتاح لجوزك

وقالت لجين عمران في تصريحاتها التي يرصدها موقع تحيا مصر: قاطعت واحدة من صحابي عشان قالتلي انا برتاح لما بفضفض مع جوزك، ودا مكنش السبب الوحيد وأنا كمان لسه نفسي طويل وبعطي دايما العذر وحتى لما جوزي جه قالي وهو كان مستنكر هذا الشيء قولتله عادي يمكن هي مزعوجة وخايفة تحرج نفسها قدامي فلجأت ليك وكنت بحاول اختلق الأعذار لكن من الداخل أنا مش مقتنعة بس بحاول.. وبعدين لما بيتبني على الموقف دا موقف تاني وتالت مش على صعيد حياتك الشخصية، كانت بتعمل كل حاجة أنا بعملها، ولما بتكون موجودة كأنها شبح.

لجين عمران 

وعن إمكانية مسح لجين عمران لغلطة من ماضيها قالت: لو هرجع للماضي مش هغير ولا حاجة ولا غلطة لأن كل غلطة بدرس، وكل غلطة علمتني وربتني ووصلتني إلى ما أنا عليه اليوم فلذلك أنا بالنسبالي كل الدروس دي مش هقدر استغنى عنها لأنه ممكن النتيجة تتغير.

سبب استقالة لوجين عمران من إم بي سي

كما كشفت المذيعة لوجين عمران عن السبب الحقيقي وراء استقالتها من قناة إم بي سي، وقالت لوجين عمران: لليوم انا لما بقابل ناس بيقولولي ليه طلعتي احنا كنا متعودين نشرب القهوة كل يوم معاكي وهنا بحس بتأنيب الضمير أنه أنا ليه مفكرتش في المتابعين وأنا كنت حاطة في بالي اطلع من برنامج صباح الخير يا عرب وأروح برنامج تاني، بس لما طلعت من إم بي سي بشكل عام ظليت سنة كاملة محطوطة على الرف كنت باخد مرتب بس مش بشتغل وكان في بعض المسئولين عايزين يضيفوا بندين لعقدي أن القناة تاخد ٤٠٪ من أجري خارج القناة، وموضوع انه صار في إهمال، والواحد عنده خبره حد وكرامة.