ينفع اهرز مع زمايلى بالشتائم؟.. وعلي جمعة يجيب

رد الدكتور علي جمعة، مفتي الديار المصرية السابق، على سؤال طفل مفاداه ينفع اهزر مع زمايلى بالشتائم؟.

ينفع اهزر مع زمايلى بالشتائم؟

وقال الدكتور علي جمعة، مفتي الديار المصرية السابق، خلال حلقة برنامج “نور الدين”، المذاع على قنوات الشركة المتحدة، رصدها موقع تحيا مصر اليوم السبت: “لا ربنا نهى عن كده، العفاف والجمال في الأداء يدل على الرقى، يقولك طيب هو راضى وانا راضى، مالك ومالك أنت يا قاضى نقوله (لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الآخِرَ وَذَكَرَ اللَّهَ كَثِيرًا).  

ربنا لا يحب سفاسف الامور او التنابز بالالفاظ والشتائم

وتابع: “ربنا لا يحب سفاسف الامور او التنابز بالالفاظ والشتائم”.

وحول سؤال طفلة حول هل ينفع البنت تقيم الصلاة وتقف إمام فى الله؟ 

وقال على جمعة “اه ينفع تقيم الصلاة مع مجموعة بنات زيها، وكمان ينفع تقف تصلى إمام بيهم، ما دام كلهم بنات مفيش مشكلة”.

هو ليه ربنا خلانا نلبس الحجاب واحنا بنصلي؟

واجاب الدكتور على جمعة فى وقت سابق على سؤال طفلة حول هو ليه ربنا خلانا نلبس الحجاب واحنا بنصلي؟ .

وتابع، “علشان تتقبل صلاتك، لأن لازم الهدوم تكون نظيفة والمكان نظيف وللعورة تكون مستورة. لذلك البنات وهم بيصلوا لازم يلبسوا الطرحة ولو معملوش كده، عاملة زى اللى بيصلى من غير وضوء أو بيصلى عكس اتجاه القبلة، أو الصلاة فى غير وقتها “.  

لازم نخلى بالنا من شروط الصلاة إحنا بنعبد الله

واضاف: “لازم نخلى بالنا من شروط الصلاة إحنا بنعبد الله كما يريد وليس كما نريد”.

وأوضح، صلاة قيام الله هى فرض على رسول الله صلى الله عليه وسلم، (قُمِ اللَّيْلَ إِلَّا قَلِيلًا نِّصْفَهُ أَوِ انقُصْ مِنْهُ قَلِيلًا )، لكن ربنا خفف عننا وخلاها بركة واستجابة لىدعاء وشعور بالامن والراحة”.  

واكد: “مرة واحد من مشايخنا اسمه محمد راشد، حد سأله وقاله ايه الحاجة اللى بينك وبين ربنا ومحدش يعرف عنها حاجة، فرد عليه بصلى ركعتين فى الليل من ٤٠ سنة ومحدش يعرف عنها حاجة حتى مراتى، وهم سبب هدوئ واستقرارى النفسي