ميار الببلاوي

تحدثت الفنانة المعتزلة ميار الببلاوي عن سبب خلافها مع المخرجة إيناس الدغيدي، وذلك خلال حلولها ضيفة على برنامج العرافة والذي تقدمه الإعلامية بسمة وهبة على شاشة قنوات المحور، مشيرة إلى أنها دعت عليها بسبب مشهدها الجرئ الذي أجبرت على تصويره في رمضان أثناء صومها.

ميار الببلاوي: دعيت على إيناس الدغيدي لأني مكنتش عايزة البس مايوه وهي أجبرتني 

وقالت ميار الببلاوي في تصريحات رصدها موقع تحيا مصر: دعيت على إيناس الدغيدي عشان مكنتش عايزة ألبس مايوه ومشاهدي مع عمرو عبد الجليل في فيلم ديسكو ديسكو.. مكنتش عايزاها تتعرض.

ميار الببلاوي 

وتابعت ميار الببلاوي حديثها، قائلة: كنت وقتها بنت عندها ١٩ سنة وبتشتغل مع ناس عمري ما حلمت اني أشوفهم فكنت مطيعة جدا وبعمل اللي يتقالي عليه رغم أن تربيتي مش كدة ولا تسمح بده إحنا صعايدة بس كنت عايزة الشهرة.

ميار الببلاوي: انا وأختي فقط اللي كنا صايمين في فيلم ديسكو ديسكو

وتابعت ميار الببلاوي حديثها، قائلة: انا وأختي بس اللي كنا صايمين في تصوير فيلم ديسكو ديسكو لأنهم كلهم كانوا بيصورو في نهار رمضان وكلهم بيشربوا بسبب تعليمات من الإخراج فمكنش ينفع يصوموا، وبعدين طلبت مني أعمل مشاهد جريئة والبس المايوه وكدة وقولتها لا بعد الفطار فزعقت ودخلت في الحمام أعيط وأحاول اضيع وقت لحد بعد الفطار.

ميار الببلاوي 

واستكملت: أختي بقت تقولهم ههديها وبعدها دخلت نجلاء فتحي ودي اللي لو كانت قالتلي ارمي نفسك في البحر كنت هرمي، وأقنعتني إني أصور المشهد ده وقالتلي رمضان ده بتاع الفقراء واحنا بنصومه عشان نحس بالفقراء بس انتي عاملة في نفسك كدة ليه ومش لازم نصوم دايما، فاقتنعت لأني كنت طفلة وطلعت عملت المشهد.

ميار الببلاوي وأزمتها مع وفاء مكي 

وكانت قد تحدثت ميار الببلاوي في بداية الحلقة عن تفاصيل أزمتها مع الفنانة وفاء مكي، حيث أكدت أن الأخيرة مذنبة وأن القضاء والطب الشرعي حكم عليها بارتكاب الجريمة وهي لم تدخل في أي يوم من الايام للدفاع عنها أو إنكار التهمة من عليها، موضحة: “أنا مقولتش اني معايا دليل براءة وفاء مكي والطب الشرعي قال إن الخادمات مكنش عندهم مرض جلدي، ومتكلمتش وقتها عشان كنت معتزلة وقاعدة بربي ابني ورسالة التهديد كان جوزي اللي مش عايزنا افتح علينا فتوحات”.

واختتم ميار الببلاوي حديثها عن وفاء مكي، قائلة: “الست دي مش بريئة ولا ليها علاقة بالبراءة احنا هنشكك في القضاء؟”.