مسلم في برنامج أسرار

كشف مطرب المهرجانات مسلم العديد من التصريحات الخاصة بحياته الشخصية والفنية وذلك خلال حلوله ضيفا برنامج أسرار والذي تقدمه الإعلامية أميرة بدر على شاشة قنوات النهار. 

مسلم: السبكي قالي امشي يابني مبنساعدش حد هنا وبشكره  انه اداني طاقة للشغل

كشف مطرب المهرجانات مسلم عن موقف سيئ جمعه بالمنتج أحمد السبكي، فقال في تصريحات رصدها موقع تحيا مصر: “كنت صغير ونزلت القاهرة رحت للسبكي، دخلت سلمت ورفض السلام عليا، وبصلي من فوق لتحت وقالي يالا يبني على اسكندرية مبنساعدش حد هنا، ومشيت من الدقي لصلاح سالم بعيط ومنهار، لكن بشكره دلوقتي لانه اداني طاقة وغل للشغل، ووصلت للي بحلم بيه بس عمري ما انسى الموقف ده، وطلب اشتغل معاه في حاجة ورفضت، وابنه كريم صاحبي وعندي اغنية في فيلم شقو، وفيه دور جايلي وفيه نجوم كبيرة زي ماجد الكدواني وعمرو عبد الجليل”.

مسلم مع أميرة بدر 

مسلم: بشتري كل شهر ب 200 ألف جنيه لبس و24 ساعة في زارا.. بقيت مدمن

وعلق مطرب المهرجانات مسلم على حبه للملابس الغريبة المثيرة للجدل قائلاً: “كان نفسي في حاجات قبل ما اتشهر، وبقيت مدمن لبس و24 ساعة في زارا، وروحي فيه، وفي حاجات بجيبها من بره، وزارا بجيب منه لبس اجمد من جوتشي وديور، وانا بعشق اللبس، وبشتري ب 200 ألف في الشهر لبس”.

مسلم ضيف برنامج أسرار 

 وتطرق بحديثه عن الملابس الغريبة، قائلا: “يوم الخطوبة لبست شيفون عشان مختلف وبحب الحاجة الغريبة، وطلعت في حفل العلمين بكروب توب، وبحب الحاجات المجنونة دي والهجوم نجاح، والعرق الصعيدي ده للحاجات التانية، وبحب الموضة لكن عمري ما البس حلق ولا ادق وشم، ولبسي الغريب متطلبات شغلي لكن مش بمشي بيه في الشارع”.

مسلم: عندي شهرة الفلوس بحبها أوي 

وعن علاقته بالفلوس، قال مسلم: “عندي شهوة الشغل والفلوس، وأنا مدير أعمالي، وبحب الفلوس أوي، الفلوس بتعمل كل حاجة، وقادرة تخلي الناس اللي مكانتش بتبصلك، تبصلك، وعشان انا متربي تربية مش شبه الجيل ده انا واللي شغالين معايا، وبالنسبه لي الفلوس مش كل حاجة، لكن دلوقتي بقيت اعتمد أن الفلوس كل حاجة”.  

 وأكد: “شوفي كام واحد قال الفلوس مش كل حاجة لما مسك فلوس بقى ايه، ناس كتير اتغيرت، أصل منغير فلوس هنعمل ايه، لو مشتغلش على نفسي واتعب واجيب فلوس واتطور واطلع واركب احسن عربية واسكن في أحسن بيت والبس أحسن لبس، الناس اكيد مش هتعمل لك حساب.