في عيد ميلاد الزعيم عادل إمام.. لماذا رفضه أهل زوجته في البداية؟

يحتفل الجمهور المصري والعربي بعيد ميلاد الزعيم عادل إمام صاحب الرؤية الفنية المميزة، غدًا الجمعة الموافق 17 مايو، حيث أنه ترك بصمة بأعماله الفنية العظيمة في عقل كل مشاهد والذي يتطلع لمعرفة أكثر عن حياة رائد الفن الشخصية.

عيد ميلاد الزعيم عادل إمام 

وبمناسبة عيد ميلاد الزعيم عادل إمام، يرصد تحيا مصر سبب رفض الزعيم من أسرة زوجته عندما تقدم لها حيث قال في لقاء سابق: أنا مكنتش حاطط في دماغي الزواج، ولكني اتجوزتها أول ما بدأنا بروفات مدرسة المشاغبين، فهي كانت قصة حب من نوع خاص، وشايف إن ربنا بيحبني عشان اتجوزت الست دي، ولما اتجوزتها في الأول كان بعقلي، ولكن بعد كدا قولت مكنش ينفع أتجوز غيرها.

عادل إمام وزوجته 

وأضاف، كانت هي من إحدى عائلات الإقطاعيين، وكان من الصعب جدا إنها تتجوز كومبارس، وهم بالفعل مكنوش موافقين بس هي أصرت، لأن شغلتنا بتعتمد على الرزق والقدر، زي العمال مستنيين حد بقولك تعالى اعمل كذا وخد كذا، وقعدت سنتين معنديش مليم واحد، فهي قالت لا هنتجوز، وقعدنا ندور على شقة، ومكنش فيها عفش وبعدين أسيسناها مع بعض حاجة بحاجة.

هذا وقال عادل إمام عن قصة حبه مع زوجته: كنا قاعدين عند سمير خفاجة فجأة الشباك اتفتح شوفتها زى القمر كل اللى حواليا عاكسها إلا أنا لانى مبعرفش أعاكس أصلا وعمرى ما عكست قبل كده، لكن في الأفلام اعرف، وأول ما عرفتها قولت لها احنا مش هنجوز، اتجوزنا بعد سنة وبعد الزواج قلت لها نأجل الإنجاب وكفاية طفل واحد حملت في رامى وبعد كده سارة ثم محمد”.

من جانبه، كشف مخرج فيلم زهايمر عن كواليس العمل الذي جمع عادل إمام بصديقه سعيد صالح قائلًا: مش عارف أخرجت المشهد ده إزاي .. قبل ما أصوره كنت بعدي علي ا. سعيد صالح كل يوم احكيله المشهد و كإنه بيسمع لأول مره و كنت مرعوب بس مش شايف حد غيره يعمل الدور و لما جه التصوير قال كلام غير اللي في السيناريو بس نفس المعني و أحلي .. الله يرحمك يا عّم سعيد علي بالي طول الوقت. 

وكتبت هند ابنة سعيد صالح عبر حسابها الشخصي على موقع التواصل الاجتماعي «فيسبوك»: “من أحلى المكالمات اللى جات لى فى حياتي، فجأة و من غير مناسبة.. مكالمة من ريحة الحبايب، حسيت ان بابا اللى بيكلمنى و الله،  الحمد لله انك بخير و سمعت صوتك و اتطمنت عليك.. عادل امام سعيد صالح”.