حقيقة المنشطات.. شقيق بطل كمال الأجسام في الغربية: أخويا راح وهو عريس|فيديو

تطورات مفاجأة وتفاصيل مثيرة في وفاة بطل كمال الأجسام في الغربية، حيث توفى نتيجة إصابته بمرض الغدة الدرقية وكشف شقيقه لـ موقع تحيا مصر حقيقة وفاته بسبب المكملات والمنشطات.

تحيا مصر يكشف التفاصيل الكاملة بوفاة بطل كمال الأجسام

وقال شقيق بطل كمال الأجسام في الغربية لـ موقع تحيا مصر، أيمن أخويا عنده مرض وراثة وتعب زيه زي أي شاب ووقف علاج الغدة الدرقية من فترة عشان جات له نزلة معوية، لكن التدريب والجيم مالهوش أي علاقة بوفاته.

وتابع شقيق بطل كمال الأجسام المتوفي في الغربية، أنا أخويا معتزل البطولات من تقريبا 7 شهور ولا ليه علاقة بالمنشطات والمكملات وهو اللي حصل أن الغدة الدرقية وقفت كل أنشطة الجسم فجأة بسبب أنه بيتعالج منها من فترة كبيرة.

شقيق بطل كمال الأجسام في الغربية: الوفاة بسبب الغدة

وأضاف شقيق بطل الأجسام المتوفي في الغربية، أيمن لاعب كمال أجسام مش بياخد اي مكملات ولا منشطات زيه زي أي حد بيدرب في الجيم بتاعه وبيتدرب لكن مفيش أي كلام من اللي بيتقال، وحسبي الله ونعم الوكيل في كل اللي قال كلام مالوش لازمة.

وأكد شقيق بطل الأجسام في الغربية، أي حد قال كلمة على أخويا عشان الشهرة مش هسيبه وهاخد الإجراءات القانونية أيا كان مين اللي اتكلم، لأنه كان بيتدرب عادي من غير اي حاجة، والوفاة طبيعية بسبب مرض الغدة الدرقية.

شقيق بطل كمال الأجسام: أخويا مش بتاع منشطات ومكملات

وأفاد شقيق بطل الأجسام في الغربية، الفترة الأخيرة أيمن كان تعبان جدا بسبب أن علاج الغدة جابله قرحة في المعدة وفضل شهر عايش على المحاليل والانيميا زادت وبقت أقل من 3 و 5 والتدهور الصحي كان في أخر شهر بعد ما القرحة زادت والامتناع عن الأكل زاد وده سبب وفاته.

واستطرد شقيق بطل كمال الأجسام في الغربية، إنسان مريض عادي جدا وتوفى وأخويا بقاله 4 شهور مش بيدخل الجيم ولا بيتدرب وهو كان في المستشفى قبل الوفاة بفترة وكان ماشي على محاليل وطلع ورجع تاني قعد يومين قبل الوفاة، وبعدها توفى عشان الغدة الدرقية.

واستكمل شقيق بطل كمال الأجسام في الغربية، أخويا كان مريض غدة درقية في الفترة الأخيرة، ومكنش حد يعرفه إلا وبيحبه وكان إنسان خلق الله كلهم بيحبوه وكان بيساعد أي حد قريب غريب بعيد أي حد وكان موصيني بقدر الإمكان أن أرباح الجيم بتاعه تطلع لله وللخير.

وانهى شقيق بطل كمال الأجسام في الغربية، أن وصيته الأخيرة كانت خروج أرباح الجيم لوجه الله وهو كان لسه خاطب حديثا وكان منتظر الزواج لكن القدر وربنا كان كاتب حاجة تاني، وهو خاطب بقاله أكتر من سنتين وخطيبته كانت معاه لأخر لحظة وهي الله يبارك لها تعبت معاه كتير في مرضه وربنا يجازيها خير.